استفتاء 2014

استفتاء 

2014

1

وانا انزل اصوت ليه ؟؟ ما النتيجة كده كده نعم

مطلوب انك متكسلش وتنزل تصوت ، لأن مطلوب ان المشاركة تبقى اكتر من الاستفتاء السابق (16 مليون) ، ده فى حد ذاته يؤخذ به فى التقارير الغربية ويترجم على ان غالبية الشعب موافق على النظام الحالى والقادم ، الاقبال اكثر من الاستفتاء السابق - الذى جاء بالصندوق - يدعم ذلك .

الاستفتاء الحالى هو كاشف وبشكل واضح لحجم كل واحد فى الشارع ، الجماعة اياها وانصارها هيتعرف حجمها ، هيتعرف التوافق حول مين بالضبط ، الارجوز اللى بيلعب على كل الحبال اللى عاوز يبقى رئيس مصر ومرشد الاخوان فى نفس اللحظة هيعرف حجمه - هو عارف حجمه اصلا بس بيستعبط -

افتكر كويس ان اللى هينزل يقول لأ مش خاين ، جايز هو نرجسى زيادة عن اللزوم والنرجسية ملهاش مكان فى السياسة ، بس مش خاين ، اللى هيقول نعم مش عبيد ، جايز فيهم جزء مش فاهم كل حاجة ، بس بتلاقيهم عارفين ان الراجل ده حلو وبيحبوه او وحش ويستاهل الشتيمة من غير ما يعرفوا يعبروا سياسيا ليه علشان تعليمه السياسى كده ، زى ما الجاهل بيعرف يصلى وعارف ربنا رغم انه مش حافظ عشر سور من القرأن على بعض

2

لما نلاقى الاخوان عاملين صورة لكبار السن اللى واقفين فى الاستفتاء وكاتبين "جيل عرة" تعرف انك بتتكلم عن اوسخ جماعة غير وطنية وان الشعب هيدفنكم سياسيا بلا عودة

3

بالنسبة للبهوات الثوار والنشطاء .. امتى هتحترفوا السياسة ونشوفكم فى انتخابات بدل ما مقضينها مقاطعات وشعارات يسارية وقلبى الثورى لا يحتمل !!

خليك قاعد مقضيها مظاهرات وبس وفى الاخر ترجع تسأل ليه اللى بينجح فى الانتخابات دايما جيش او تيار اسلامى!! جرحت شعورك الثورى؟؟ ابقى غير عليه

4

قبل ما تغلط فى الستات اللى واقفين فى طابور الاستفتاء ، افتكر الستات بتوعكم اللى فى المسيرات ومظاهرات طلبة الازهر

5

نشرة الاخبار فى التلفزيون المصرى تشهد مسخرة غير مسبوقة فى تاريخه .. رئيس الجهاز لازم يمشى

6

يومى الاستفتاء هما يوما المرأة المصرية باكتساح

7

جدير بالذكر ان الجيل اللى بتقولوا عليه ضيعنا هو اللى بيصوت دلوقتى ، الكلامنجية قاعدين فى بيوتهم يشتموا بس .. افاقين بيدعوا انهم فاهمين فى السياسة وكل واحد منهم ميسواش جناح ناموسة معدية من جنب كلية اقتصاد وعلوم سياسية