لا احد ينصر 30 يونيو
(1)
الاخوان واخدين قيادات الحزب النازى المصرى ومخلينهم يسموا نفسهم مسيحيون ضد الانقلاب .. الله عليك يا عم بخ .. قولنا من زمان انهم عنصرين ومش هيستقطبوا الا العنصرى اللى زيهم لغاية ما المصلحة تلخص ويخلصوا على بعض
بس مبدأ التقية ميمشيش كده و الناس تصقف على هبلك
هتضم امتى شواذ ضد الانقلاب ؟؟
وامتى اسرائيليون ضد الانقلاب ؟؟
وامتى ارهابيون ضد الانقلاب ؟؟ اه صحيح دول انضموا من الاول
(2)
طب وانا اساندك ليه ؟؟ طب انت قفا وخاين ومكفرنى وقتلت زمايلى امبارح وركبت الكرسى وطردتنى بره .. انا مالى بيك ؟؟
(3)
اللى بيدافع عن الاخوان دلوقتى ويقولك ده فصيل وطنى بيفكرنى باسماعيل يس فى العتبة الخضرا لما احمد مظهر اتقبض عليه وفرحان انه لما يطلع من السجن هيبيع له السكة الحديد
(4)
هو ليه الاخوان لما بييجوا يقولوا "الدعوة" بيقولك " دعوة الاخوان المسلمين " .. المفروض الدعوة " دعوة الاسلام " !!
(5)
ومازال الشيوخ والمتدينون اياهم اللى بيفسروا الايات على اهوائهم بيلبسوا الرسالة بجهالتهم وبسوء نواياهم ، للاسف مازال تقديسهم لتفسير المفسرين اكبر من تقديسهم للنص ذاته حتى لو المفسر فسرها بأكتر من طريقة .. لازم كلهم يبقوا صح عنده ولو تعارضت رواية منهم مع القرأن نفسه !!
(6)
الشيطان يكون احيانا رجل دين يضلل الناس ، العدو يكون احيانا مواطنا يحتقر دولته ويكشف اسرارها
(7)
راح فين زمن التكفير الجميل ؟؟ ايام ما كان يكفرك اللى يكفرك من غير ما يغلط فيك ..
دلوقتى بقى التكفير مصحوب بشتيمة فيك وفى انتمائك السياسى وفى وطنيتك وتوعد لكل هؤلاء بالنار اجمعين يوميا كل 8 ساعات
(8)
د حسام عيسى راجل محترم وينفع رجل نقابى ، انما كوزير فاشل والجامعات فى عهده بقت صراعات زى شوية مهرجانات افراح شعبية .
(9)
- الطلبة بيقطعوا فى بعض فى الجامعات يا فندم ، نعمل ايه ؟؟
- الببلاوى : سيب الشعب يلعب يا بنى ، لما يكبروا ويوصلوا سنى ربنا هيهديهم
"حملة اقعدوا فى بيوتكم ارحم "
- الببلاوى : سيب الشعب يلعب يا بنى ، لما يكبروا ويوصلوا سنى ربنا هيهديهم
"حملة اقعدوا فى بيوتكم ارحم "
ليست هناك تعليقات:
إرسال تعليق