كيف تقرأ التاريخ وتمارس السياسة

كيف تقرأ التاريخ وتمارس السياسة

(1)

فيه ناس كتير بتكتب على الاكونتات بتاعها شتائم وعصبية وفاكر نفسه كاتب بوست سياسى .. فى السياسة مبتحبش حد ولا تكره حد علشان تعرف تحكم على مواقفه بموضوعية

 

 

 

(2)

 

علشان تبقى مواطن طبيعى مش مهتم باشاعة المراقبة يلزم شرطين :
1- ان يكون قرارك نابع من عقلك وضميرك فقط لا غير
2- ان يكون لديك مبادىء فلا تهتم بنتيجة قرارك

فاذا غاب احد الشرطين ، اكيد هتتأثر بالاشاعة



 (3)

الصفة الواجب توافرها فى الثائر الحقيقى هى الحب
جيفارا
كلمنى بقى عن ناس عندنا كارهين اهلهم و مؤسسات بلدهم و الديمقراطية و الناس ويقول على نفسه ثائر !!

 

 

 

 (4)

 

يصعب على الواحد الناس اللى بتاخد معلوماتها من التايم لاين بتاع الفيس بوك
و لما تلاقى بوستات مليانة جهل وفتى ببقى مش عارف اكتب التصحيح فى الردود وصاحبها يدخل يتخانق معاك ويقولك انت مالك ولا تسيبه ينشر جهله !!




(5)

اكبر كارثة حلت على التاريخ هى الافلام والمسلسلات التاريخية .. تزييف التاريخ من اجل اضافة متعة واستقدام ممثلين بناءا على الشبة لا الموهبة .



 (6)

اقرأ التاريخ بموضوعية بدون ان تنحاز لشخص او جماعة ، لكن عندما تتعلم منه وتحتاج التطبيق على الواقع من الممكن ان تنحاز للصواب فى رأيك 




(7)

فى قراءتك للتاريخ ايضا لا تنسى ان ترد المصدر الى العقل .. 
اعرف جيدا علاقة المصدر بما يقول 
هل كان قريبا ام لا من الحدث ؟؟
وهل كان موثوق فى رأيه ام لا ؟؟
هل كان له مصلحة ؟؟
الا يوجد مؤثرات على رأيه ؟؟
ومتى قرر ان يعلن شهادته ولماذا الان تحديدا ؟؟
وهل هناك من يؤيد رأيه ؟؟

ثم ارجع مرة اخرى ورد الشهادة الى عقلك لتزنها بموضوعية 

 

قبل انتهاء الفرز

قبل انتهاء الفرز

الانتخابات خلصت ؟؟ نتكلم بقى براحتنا على اللى كنت عاوز اقوله امبارح ومستنى لما يقف التصويت


عندما تنظر الى موقف الجميع فى تلك الانتخابات تجد انه مخزى

الانتخابات عرت الجميع


التصويت فى الداخل لن يخرج عن نظيره فى التصويت فى الخارج وفى النتائج
الاخوة المقاطعين قعدوا يعاملوا الناس بقرف وعلى اعتبار انهم مثلا بتاع 20 مليون ونسيوا الخيبة التى حدثت فى انتخابات الرئاسة 2012 عندما دعوا للمقاطعة فكانت نسبة المشاركة اعلى فى جولة الاعادة عن الدور الاول


الحمد لله عندهم نفس عقدة الاخوان .. كله قاعد جوه الخيمة بتاعه وبيكلم نفسه فى المرايا
انت ولا ليك تلاتين لازمة فى الشارع ومتعرفش تعمل حاجة لوحدك وعددك اقل بكتير ما انت فاهم والانتخابات عرت سيادتك لما قلت انا مقاطع وفجأة تانى يوم .. الحق ده السيسى منزلهوش حد ويالا نساند حمدين علشان يكسب !!!

جبت الكلام الاهبل ده منين ؟؟
لسه مش مصدق انك مش شايف الصورة كويس ؟؟

اسمحلى كمان اوصفك بالاهبل لما تقول " الدولة العميقة " و " اجهزة الدولة اللى بتساند مش عارف مين "
وفى الاخر حضرتك كنت اول واحد يضحكوا عليه !!



اجهزة الدولة ..
واولهم اللجنة العليا للانتخابات ..
حالة من التصنع مقصودة او غير مقصودة بوجود منافسة حقيقية وعدم وجود اقبال ..
ربما يكون الهدف حشد اكبر عدد ممكن ، عرفوا يضحكوا على الناس علشان يستنفروهم ؟؟ جايز بس ده لو صح يبقى حاجة تفرح ان لاول مرة بشوف اجهزة الدولة عندها خطة وتكتيك .. واشك فى ذلك
لكن قرار المد للتصويت لليوم الثالث جاء خاطئا من كل النواحى
ما الفائدة ان كان الرئيس سينجح قانونيا ب 50 % بالاضافة لشخص ؟؟
ما الفائدة من التكديس والكبس ؟؟
الموضوع مش سبق خيل حضرتك ولا مسابقة اولومبية عاوز تكسر رقمها القياسى !!


حمدين صباحى .. يعود ليثبت وجهة نظرى فيه وهو انه رجل وطنى محترم مخلص ينظر لمصلحة بلده ، لكن الطبيعى انه يقود الشباب ويكسبهم من خبراته وليس ان يكون مسيرا بواسطة الشباب .. واللى بالمناسبة شتموا فيه بوضاعة معهودة ومزايدة مكررة بعد ما اخذ قراره !!


حملتا المرشحين .. السيسى وصباحى ..
حملات وليدة لا خبرة لها فى العملية الانتخابية ، لا يجيدون قراءة الارقام والدعاية ، لا يجيدون الحشد والتعبئة والتوجيه .. وهو اهم ما يميز من يملك خبرة انتخابية


الاكاذيب والضلالات
ثبت كذب كل الاضاليل من نوعية " الحزب الوطنى بيساند السيسى و الاخوان بيساندوا صباحى "
طرق الحشد من الطرفين دول محفوظة ومعروفة ولم تشاهد فى اللجان الانتخابية
مفيش حشد ولا توزيع فلوس ولا جمع عمال فى سيارات من المصانع للجان مباشرة !!
مفيش !!
فين الاكاذيب اللى بيروجها البعض ؟؟
فين التضليل اللى كانوا بينشروه ؟؟


عموما فى الموضوع ده فائدة كبيرة لو احسن السيسى استغلاله .. لأنه فعلا دلوقتى مش محمل بجميل لحد ، يقدر ينتقم من شلل الفساد ويطالهم بقراراته باريحيه كبيرة والناس هتسانده لو عمل كده


الاخوان لسه عايشين فى قصة التشوية والتضليل والتركيز على جزء من المشهد زى وصف انسان بانه مكون من شعر اسود علشان مشوفتش غير ربع راسه !!
الغل والحقد لسه بيدفعهم علشان يزوروا الصورة ويكدبوا ويصدقوا الكدبة !!
لكم الله


الغرب وفكرة الاستعراض بالارقام قصاده
موضوع تافه وان كان يستحق تفنيده
اولا الغرب هيعترف بالرئيس الجديد اى كان نسبة نجاحه او عدد المصوتين له
ثانيا هذا العدد تجاوز اكثر ما حصل عليه اى رئيس من قبل فى تاريخ مصر فى نهاية اليوم الثانى فما فائدة اليوم الثالث ؟؟
ثالثا الغرب منذ انسلاخه وهو يعبأ فقط بمصلحته ، الديمقراطية والعدالة والحياد والموضوعية يدعو لها عندما تكون على ارضه وداخل حدوده فقط ولن يرضوا عنك الا لو توافقت مصلحتك معهم
رابعا المهم ارضاء الشعب وليذهب الغرب للجحيم لو كان له الاولوية


جارى الفرز .. جارى التأكيد

مصر تنتخب

مصر تنتخب

(1)

اللى فهمته من برنامج صباحى امبارح انه تقديم خيرى رمضان ومجدى الجلاد

انا هديك فدان فى وسط الصحراء ومش واصل له اى مرافق ولا طرق ولا اى حاجة واديك قرض 10 الاف جنيه ومليش دعوة بيك واجى احبسك فى الاخر بعد ما المشروع يفشل !!

 

معاك ارقام يا صباحى ؟؟
لا والله نسيتها فى البيت

يعنى انت جى تقول برنامج ولا جى تهرج ؟؟
لأ انا جى القح على السيسى

 

 

 

 

(2)

 

الناس كلها شايفة فى السيسى نحنحة ، انا الصراحة مش شايف غير العند ، دائما كانت افة الرئاسة فى مصر العند 

 

 

 

 

(3)

 

وزير العدل لما يطلع يدافع عن القضاء المفروض يقعد فى بيتهم تانى يوم لأن المفروض فيه حاجة اسمها استقلال القضاء عن السلطة التنفيذية اللى هو منها ، حمدين صباحى لما يقول هعمل فى القضاء يقعد برضه فى بيتهم لأنه على اعتبار انه رئيس جمهورية وبرضه من السلطة التنفيذية .

 

 

 

(4)

 

  

لو فاكر ان مبارك بس اللى كان بيلوم الشعب على مشاكله تبقى غلطان .. الموضوع ده تقليد فى الحكومة المصرية .. ولو مش مصدق احضر اى اجتماع شهرى من اللى بيتعمل فى اى حتة فى الحكومة علشان تسمع الرئيس بيقول للمرؤسين ان انتوا السبب فى الفشل وان احنا معليناش حاجة ومش بعيد يدخل عليها مسحة دينية من نوع حرام عليكم وهتتحاسبوا قدام ربنا .

(5)

الاستثارة العصبية والغضب اللى بينتاب السيسى كلما يذكر شىء عن الجيش غير موضوعى ولا يصح .. المفروض ان سيادتكم تقدم نفسك كمرشح مدنى .. ايضا يجب الفصل بين كونك ابن المؤسسة وكونك مترشح لقيادة المؤسسات كلها .. المستشار عدلى منصور يحترم حقيقة فى اعطاء القدوة فى هذه النقطة كأبن لمؤسسة القضاء لا يتدخل ولا يبدى اى رأى عن القضاء طوال فترة رئاسته .

(6)

 الجلوس فى المنزل معتمدا على ان مرشح معين سوف يفوز ويكتسح لا يفيد .. 

شارك لممارسة حقك الذى انتزعته بثورتين .. 

شارك من اجل اضفاء منافسة حقيقة او شعبية حقيقية .

مكاشفة

مكاشفة

(1)



الشعب المصرى اصلا ميفرقش معاه اى تطبيق لسياسة التقشف .. ايش ياخد الريح من البلاط !!





(2)


فى اى دولة قانون فى العالم المسئول عن التصدى لأى احداث عنف هو الشرطة ، لا تجد فى ذلك عيبا الا فى مصر





(3)


مشكلتنا مع الاخوان انهم فاهمين انهم الوحيدين اللى بيتظلموا على طول
مشكلتنا مع السلفيين انهم فاكرين انهم الوحيدين اللى عندهم دين
مشكلتنا مع جبهات الثوريين انهم فاكرين انهم مبيغلطوش ابدا
مشكلتنا مع الزييطة انهم فى وسط كل دول وفى وسطينا احنا شخصيا





(4)


شايف ان السيسى وحش وفاشل ومينفعش ومش عاوزه يترشح رئيس ، لكن لو مرشحك كسب عاوزه يسيب السيسى وزير دفاع !!



(5)


هو ليه الناس بتاخد مقال رأى عادى او تغطية لصحفى مصرى نص كم فى صحافة غربية على انها حقيقة لا جدال فيها ؟؟
طب ما شتموك قبل كده
وبيسموا الفلسطينيين ارهابيين
وبيقولوا على اسرائيل بتحمى امنها القومى من امثالك
وبيقولوا على امريكا بتدافع عن الديمقراطية
!!


هيفضل الموضوع ده محير الواحد كتير فعلا



(6)

الدور اللى بيعمله ابراهيم محلب فى ازمة اسوان ممكن يعمله يحيى شاهين فى فيلم جعلونى مجرما بس مينفعش يعمله رئيس وزراء خالص



(7)


امير قطر اصدر قرار بجعل التجنيد اجبارى .. طب بالنسبة للمجنسين هل ينطبق عليهم القرار ؟؟ طب هل يُضمن ولائهم ؟؟



(8)


اهداء الى نشطاء النت

يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
ومهولاتي تحب تزيط
ساعة الفرح زغاريد تنطيط
وفي المياتم هات يا صويت
وفي المظاهرات سخن تشيط
و في الانتخاب تنسى التصويت


سيد حجاب

الالحاد والدين والعنف

الالحاد والدين والعنف

 

 

 

يقول الملحد ان الاديان هى سبب العنف والقتل واللا انسانية ويدعو الى العودة الى الفطرة ..

بداية اعتقد ان معظم الاديان بل وايضا مناهج التعبد تدعو الى نبذ العنف والاخاء والعدل وتقدير الانسانية ، بل ان اول حادثة قتل فى التاريخ كانت لشخص رفض الاستجابة لدعوة الدين وقتل شخص رفض الا ان يستجيب لدعوة الدين ورفض العنف .

فهل عندما ينشق البعض عن تلك التعاليم هو اساءة للتعاليم ذاتها ام للشخص الذى انشق عنها ؟؟

هتلر كان يقتل ويذبح باسم الانسانية وتصفية الانسانية من العروق الملوثة من اجل انسانية انقى .. فهل ذلك يعنى ان الانسانية معنى ردىء يجب ان يستبدل !!

ثم ان الحيوان يفترس الحيوان يوميا فى الغابة فهل هذا معناه ان جميعهم متدين وانت الوحيد الذى تفتقر الى ما عرفه الحيوان بمفرده !!

ثم لو رجعنا - انا وانت - الى الفطرة التى ادعوك فعلا ان نعود اليها ستجد ان البيئة كلها تنطق بوجود الله ، الحشرة التى تتسمم بلدغة عقرب تذهب الى نبات مضاد لذلك النوع من التسمم وتحك جسدها به .. من خلق ذلك النبات بجوار العقرب السام ؟؟ ومن علم الحشرة كيف تعالج نفسها ؟؟

القطة عندما تخرج فضلاتها تحك الارض ثم تقوم بالردم عليها .. من علم تلك القطة الضعيفة التى لا تجيد الكلام هذا التصرف المتحضر ؟؟

الطفل الرضيع المولود حديثا يتعرف الى امه وتجده وياللمفاجأة يعرف كيف يتغذى منها دون تعليم من احد .. من علم الرضيع كيف يفعل ذلك ليعيش ويكبر ؟؟

الانسان ينازع نفسه بحثا عن اله .. 

يهون الوطن والاخلاق لو كنت جائعا .. تهون حياة الاخرين لو كنت مهددا .. يهون الفقير والمواطنين لو كنت بخيلا .. لكن يبقى التقوى والخوف من الله هو الثابت الوحيد الذى يحول دون السقوط عندما يهون كل هذا .. ولنا فى تجربة اقامة المدينة الفاضلة عبرة .

قلة ادبهم مع الازهر

قلة ادبهم مع الازهر

من المعروف ان الازهر مؤسسة دينية كبيرة فى مصر تطورت الى مؤسسة علمية وتعليمية كبرى اسسها الفاطميون لتكون اساسا منارة للمنهج الشيعى فى العالم ، الا ان المصريين بطبيعتهم التى لا يقدر احد على تغييرها هم من حولوها الى منارة لنشر المنهج السنى ، يأتى اليها المتعلمون من كل دول العالم لينهلوا من علمها الوسطى والمنفتح على مر العصور وحتى الان .

الازهر يضم داخله عدد من المذاهب والافكار ، يتم التعامل مع هذا التنوع على انه نوع من الاثراء ، مثله مثل الفتاوى التى تختلف فى بعض المذاهب عن اخرى حتى يتمكن طالبها من العمل وفقا لأى رأى يراه صحيحا ، الازهر وان كان استقر فيمن فيه على مذهب سنى معين ، الا انه لا يجبر احدا على مذهب معين .

كل هذا كان قبل ان نرى امثال هؤلاء الجدد الذين اخذوا علمهم من فقة البادية و الرجعية وتقديس النصوص على العقول ، نبذ الاجتهاد والقياس فيما لا يوجد فيه نص واضح ، هؤلاء الذين بنوا لهم مذهبا لا يعرف اى تطور او تقدم ويطالب بهدم كل ما لا يوجد عندهم من اسماء ومسميات .

هؤلاء الذين ضحكوا واستخفوا بعقول الناس عندما اطلقوا كلمتهم الشهيرة المشروع الاسلامى ، الذى انكشف انه لا وجود له ، بل واصبح الخروج عليهم هو خروج على المشروع الاسلامى وحرب صليبية ضد الاسلام ، يحتكمون الى نصوصهم الجافة التى لا تجديد فيها ولا نبوغ ، يطالبون بنصوصهم فقط وحصريا ونبذ كل ما يدرس فى الازهر الا منهجهم ، بل ولو رفضته تعتبر كاره للمشروع الاسلامى وكافر .

يدلسون على الازهر ويسبونه ويعتبرونه عاصى ويطالبون بمذهبهم الذى يوافق الاسلام ..

ماشى ياسيدى بس ليه متعملش انت كمان باللى بتطالب بتطبيقه ؟؟

عاوز ابن تيمية ؟؟
طب ما تطبق ابن تيمية : منهاج السنة النبوية (1/527) :
" الإمامة عندهم - يعنى أهل السنة - تثبت بموافقة أهل الشوكة عليها ، و لا يصير الرجل إماماً حتى يوافقه أهل الشوكة عليها الذين يحصل بطاعتهم له مقصود الإمامة ، فإن المقصود من الإمامة إنما يحصل بالقدرة والسلطان ، فإذا بُويع بيعة حصلت بها القدرة والسلطان صار إماماً " .

عاوز محمد بن عبد الوهاب ؟؟
طب ما تطبق اللى قاله : " الأئمة مجمعون من كل مذهب على أن من تغلب على بلد أو بلدان ، له حكم الإمام فى جميع الأشياء ، ولولا هذا ما استقامت الدنيا ؛ لأن الناس من زمن طويل قبل الإمام أحمد إلى يومنا هذا ، ما اجتمعوا على إمام واحد ، ولا يعرفون أحداً من العلماء ذكر أن شيئاً من الأحكام لا يصح إلا بالإمام الأعظم " الدرر السنية (9/5) .

عاوز ابن قدامة ؟؟
طب ما تطبق ابن قدامة المقدسى فى (المغنى) :
" ولو خرج رجل على الإمام فقهره وغلب الناس بسيفه حتى أقروا له وأذعنوا لطاعته وتابعوه ، صار إماماً يحرم قتاله والخروج عليه ؛ فإن عبد الملك بن مروان خرج على ابن الزبير فقتله واستولى على البلاد وأهلها حتى بايعوه طوعاً وكرها ، فصار إماماً يحرم الخروج عليه ؛ وذلك لما فى الخروج عليه من شق عصا المسلمين وإراقة دمائهم وذهاب أموالهم .... فمن خرج على من ثبتت إمامته بأحد من هذه الوجوه كان باغياً ووجب قتاله " .

طب لما كل دول وحشين ومش عاجبينك بتشتم فى الازهر ليه ؟؟
هى مش لحوم العلماء مسموة ولا لما تبقى على مزاجكم ؟؟

ما تتأدبوا باخلاق القرأن اللى ربنا حاول يعلمها لكم لكن محدش خد منها حاجة غير ان الاسلام بيتحارب ولازم ننصر الاسلام ضد الكافرين اللى انقلبوا على الاسلام ؟؟

مصر تحت الحكم العسكرى

مصر تحت الحكم العسكرى

كُتب فى 24 يناير 2014

البعض يحلو له تسمية الوضع الفائم بالحكم العسكرى ، رغم انى كمتابع على الاقل لا أرى فيه اى حكم عسكرى بالمرة ..

ارجع برأسك للوراء قليلا .. افتح عقلك .. اقذف بكل ما فيها على الارض .. اغلق مرة اخرى .. تعالى لنتحدث بهدوء بعيدا عن كل ما يقال فى الاعلام حاليا على اختلاف اتجاهاته .

مبدأيا لعلك تتفق معى ان مصر دولة مركزية ( ولعل ذلك الشىء الوحيد الذى يتفق عليه كل من فى مصر برغم اختلافهم ) ..

 بمعنى ان القرار فى مصر مصدره ثابت ومحدد ويخضع دائما للجهات الرقابية اى كان من ادارة الدولة وحتى الاتصالات وشبكات الموبايل التى فى يدك ، الاختلاف فى الفكر القائم حاليا بين الاطراف السياسية المتنازعة هو من يصدر القرار ويتحكم فيه .

خذ عندك ما يلى :

1- هل هناك فى اى دولة محترمة تدار بشكل مركزى ويتدخل بها الجيش فى كل قرار حسب رأى البعض .. يتخذ فيها وزير للرياضة قرار فى النهار ، فيلغيه رئيس الوزارة بعد العشاء !! ستجد فى الاعلام الذى قلت لك ان تنساه ان وزير الرياضة له اسبابه وسبله القانونية ، لرئيس الوزراء اسبابه التى تباحث فيها مع مستشاريه . وكل ذلك كذب وهطل حكومى ، فرئيس الوزراء اتخذ قراره وهو فى منزله بعد ورود الخبر اليه وردود الفعل ، ابلغ المتحدث الرسمى لمجلس الوزراء ان يدور يتصل على جميع القنوات الفضائية يبلغهم بقرار مجلس الوزراء الذى لم ينعقد ولا يوجد اى مباحثات من اى نوع !! 

2- بخصوص مشروع الكادر للاطباء .. معروف لدى الجميع ان القانون المطروح الان لا يحظى بشعبية الاطباء ، ما ساقوله الان حقيقة اتمنى الا ينكرها احد لأنه سيكون كاذبا ..

حدث اجتماع لاحق بين ممثلى النقابات الاربعة و وزيرة الصحة و اللواء العصار من الجيش ( حتى وان لم يخرج بيان او خبر من النقابات بخصوص ذلك فى واقعة استهانة لمن يمثلون ) .. وقال اللواء العصار بالنص فى خلال الحوار " البلد مفيهاش فلوس"

كان رد الفعل هو رفض نقابة الاطباء  والتصعيد ضد الحكومة الحالية ، فى واقعة كاشفة ان الجيش لا يملك زمام امور حتى لأصدار القانون من باب وضع الاطباء امام امر واقع ، لم يستطيع اقناع نقابة واحدة وليس الشعب برغبته فى استقرار الامور .

3- ان الحكومات العسكرية غالبا يتولاها اعضاء من الجيش ، فمثلا الحكومات فى عهد جمال عبد الناصر كانت عسكرية بامتياز ، فوزير التعليم من الجيش ، وزير الاسكان كان مهندس من الجيش ، رئيس الوزراء كان جمال عبد الناصر نفسه رئيس الجمهورية ، كان القرار مركزيا من عبد الناصر ومن تبقى من الضباط الاحرار بدون مؤسسات .

اما اليوم فنرى حكومة ضعيفة حمقاء من وزراء مصنوعين من ورق ، لا يقوون على تحمل مسئولية الا من رحم ربى ، صغيرهم قبل كبيرهم عاهات سياسية حلت علينا .. هم افضل حكومة انتقالية فى عهد مصر الحديث ، لكن للاسف كل تصوراتهم وقراراتهم انتقالية مثلهم فلا يرقون لطموح اى مواطن مصرى اعرفه .