دولة ابوهم

دولة ابوهم 

(1)

فى مشاجرة ابن الرئيس مرسى قال للضابط الذى استوقفه " هقعدك جنب امك فى البيت .. انت مش عارف انا مين ؟؟ " 
سنفرض ان والدك رئيس الجمهورية لن يحتاجه فى قتل المتظاهرين المعارضين له فى الشارع على اعتبار ان العدد الموجود كفاية .. ماذا لو كانت والدته متوفية ؟؟ هتقعده فين ؟؟ 


(2)

هل حينما كان وزير الطيران المدنى يمضى قرار تعيين نجل مرسى ، قال له " اسمه سيادة الرئيس يا بغل " ؟؟

 (3)

 لا يجب ان تكون الدعوة لزيارة مرسى الى القمر فقط ، بل يجب ان تشمل جلوسه فترة اطول لضمان تطبيق الشريعة هناك


(4)

وجه الشبه بين اليسارى والاخوانى ..
اليسارى يعيش وحيدا
و
يقرأ وحيدا
و
يثور وحيدا
و
يسجن وحيدا
و
يموت وحيدا ..





الاخوانى يشبهه فى حرف الواو



(5)


كلمة فى اذن مليشيات الاخوان اللى بقوا تخصص يضربوا النساء فى المظاهرات
وانتوا بتشتغلوا فى الشارع .. ابقوا اسألوا الناس .. اللى يضرب ست يبقى ايه !!




(6)


تصريحات هشام قنديل عن الارضاع ظلت مبهمة بالنسبة لى طويلا حتى رأيت فيديو أحمد المغير الاخوانى وهو يرقص شبه عارى






(7)


أن مركز المعلومات (اللى ماسكه ياسر على ) يقول ان عمرو الليثى المذيع رقم واحد فى مصر .. هنفوتها على اساس انه ممكن يكون كل العينات العشوائية من الاخوان
لكن يقول أن 30% من الطلاب مشاهدى التليفزيون يتابعون القنوات التعليمية بانتظام
ولا الاخوان ولا السلفيين ولا اللى بيشوف قناة التت نفسه يرضى بكده !

(8)

 بلدى غير بلدكم .. بلدى الضعيف فيها بياخد حقه ، الفقير معاه قوت يومه ، المسئول بيسمع ، الحكومة بتبنى وتعمر